“Mendekatzaile” bezala ezagutzen den hiltzaile batek ilehoriak hiltzen ari ditu Londreseko lainopean. Aldi berean, pertsona berria ailegatzen da Bountingen etxera eta gela bat alokatzen du. Jonathan Drew da. Ohitura bereziak dauzka gizonak: gauetan lainopean ateratzen da eta ilehori gazte baten argazkia gordetzen du. Bountingen alaba, Daisy, ilehoria duen modelo bat da eta Joerekin, polizia detektibea dena, konprometituta dago. Pixkanaka, Jonathan hiltzailea dela pentsatzen hasten da.
Kritikoen arabera (eta autorearen arabera ere bai) hau da benetan hitchcockiarra den lehen pelikula. Marie Belloc Lownes-ek idatzi zuen testua eta 1911ean argitaratu zen, istorioaren gai nagusiari forma emanez eta Jack Destripatzailearen hilketak inspirazio hartuta.
The Lodger, Erresuma Batua, 1927
Film mutu honen proiekzioa zuzeneko piano musikarekin lagunduko da, Josetxo Fernandez de Ortegaren eskutik.