Kultura Zuzendaritza Nagusia - Vianako Printzea Erakundea
“Kultura komunikatzea praktikotik” izenburukoa izango da estreinako laborategia, Komunikazioan doktore Andrés García de la Rivaren eskutik.
Komunikazioa funtsezko prozesu bihurtu da, gure gizartearen alor guztiak antolatzen baititu gaur egun. Kultura esparrua barne, jakina. Komunikazioaren paradigma, ordea, abiadura bizi-bizian ari da aldatzen. Informazioa kontsumitzeko gure moldean erabakigarriak dira egia-ostea, big data edo datu-trafikoa bezalako kontzeptuak. Baita globalizazioak inposatzen duen berehalakotasuna eta hedabide digitalak, batez ere sare sozialak, erabiltzeko eredu berriak. Horrek guztiak nahasmendu orokorra sortzen digu eta, beraz, beharrezkoa dugu inguruko errealitatea xehe-xehe aztertzea tresna praktiko zenbait erabiliz, ahalbidetuko digutenak begirada kritikoz hausnartzea jasotzen eta igortzen ditugun mezuei buruz.
