Kultura Zuzendaritza Nagusia - Vianako Printzea Erakundea
Nafarroako Gobernua

EUNATE XXI

Organo Musika Nafarroan

Orreagako Kolegiata - Orreaga/Roncesvalles

2016ko urriaren 2a, igandea - 19.00etan

Organo eta saxo duoa. Pirinioetako mendebaldeko herri doinu eta adierazpenak eskainiko dituzte, ahozko transmisio bidez iraun dutenez, kutsu magiko eta misteriotsu batez inguraturik datozenak. Klabe tonalean, modalean eta atonalean emanen dira, moldaketa, fraseatze eta harmonia berriekin eta inprobisaziorako espazioarekin.
Interpreteak: Josetxo Goia-Aribe (Saxofonista, konpositorea eta moldatzailea). Ana B. García (Donostiako Koruko Andre Mariaren basilikako organista).


Egitaraua

Josetxo Goia-Aribe
Aurresku gitano

Herrikoia / Josetxo Goia-Aribe
Danza de las ballestas 

Aita Donostia (1886-1956) / Josetxo Goia-Aribe
Erase una vez

Aita Donostia
Sagar Dantza

Josetxo Goia-Aribe
Saioa
Eunate
Me Miserum 

Felipe Gorriti (1886-1965) / Josetxo Goia-Aribe
Jesusen Ama

Josetxo Goia-Aribe
Lamento Foral
Solsticio de invierno
Donostiako Hiru Damatxo suitea 
“La Pija” / “La Gitana” / “La Sofisticada”

Tradizionala / Josetxo Goia-Aribe
Agnus Dei 

Herrikoia / Josetxo Goia-Aribe
Agur Jaunak



Ana Belén García

Andoainen jaio zen. Pianoko eta clavecin-etako goi mailako ikasketak Donostiako Kontserbatorioan osatu zituen nahiz organoko erdiko maila, E. Elizondorekin. Azkeneko hauek, Musikenen bukatu zituen, E. Landartekin. Hemen ere, hainbat irakaslekin aritu zen, esate baterako; Loïc Malliérekin, inprobizazioa landuz. 

Enrique Lartundo Fundazioko bekaduna izan da behin baino gehiagotan, piano eta organo ikasketak sendotu dituelarik. Pau-ko L’Ecole Nationale de Musique-n ‘Mention Tres Bien a l’Unanimité’ eskuratu zuen, organoaren espezialitatean.

Bakarlari eta laguntzaile gisa parte hartu du Espainiako eta Frantziako hainbat jaialditan. Era berean, piano eta organoko klaseak ematen ditu eta repertorista gisa lanean aritzen da. Gaur egunean,  Donostiako Santa Maria Basilikako organista titularra da.

Josetxo Goia-Aribe

Nerabezaroan Euskadiko eta Nafarroako folklore musikan esperientzia zabala maiztu eta gero, solfeo, harmonia, piano eta saxofoi ikasketak hasi zituen Iruñean eta Donostian, eta goi mailako titulua eta karrera amaierako saria eskuratu zuen saxofoi-jotzaile gisa. Jazzaren barnean eta kanpoan hainbat esperientzia izan ondotik, lau urte eman zituen Parisko CIM zentroan (Centre d´informatios musicals), musikari desberdinekin elkarlanean eta askotariko esperientzietan parte hartzen. Parisen egindako urteek balio izan diote jaioterriko musika beste ikuspegi batetik ikusi eta balioesteko; bere ibilbidean nabarmendu beharreko erreferentzia esparrua izan duen musika, hain zuzen. Zortzi disko ditu kaleratuta. Espainiako eta Frantziako musikagintzako musikari onenetako askorekin jo eta grabatu du. Sormen jarduera eta jarduneko musikariarena musikaren arloko irakaskuntzarekin konbinatzen du, Musikene Euskadiko goi mailako eskolan ematen baititu eskolak 2002az geroztik.

Bilatzailea